الليل دايم روعة فى حضورك ( قصيدة لشاعر الجزيرة العربية )

الليـل دايـم روعـة فـي حـضـورك
عـز الله انـك تشعـل الليـل باللـيـل






اقبلـت يسبـق خطوتينـك بـخـورك
من جيت كل عيونهم بـك مذاهيـل

ضـاع العطـر ماباقـي الاعـطـورك
كـنـه تنـثـر مــن ثيـابـك شهالـيـل

يوم استدرت بضحكة من زهورك
استسلمـت لشـفـاك كــل التعالـيـل

شفت الصباح اللي بخدك يـزورك
والليـل شفتـه ممـسـي بالمجـاديـل

هـذا نهـار أو ذي تباشيـر نــورك
اخجلت في طلعتـك ضـي القناديـل

واقفيت وكفوفك تسابـق شعـورك
مشـاعـر فيـهـا غــرام ومراسـيـل

تعطـي حنـان مـن بقايـا ســرورك
وتغضي خجل بالناعسات المظاليل

ماسـقـت فيـهـا للثـريـا غـــرورك
متواضـع لـو لـك عليـهـا منـازيـل

نام الهـوى مابيـن بابـك وسـورك
في ظـل جيـد فيـه حلـو التفاصيـل



للشاعر عبد العزيز السنانى
نشر بتاريخ 10/5/2008
من قبل شمس